Pantun Jahe

Oleh: Nurlela VIII A

Akar jangkung jahe koneng

Lampuyang pamura beteung

Ngarasa’an jangkung koneng

Puguhna mah heret hideng

Salawe dua puluh lima

Salikur dua puluh hiji

Awewe jaman ayena

Di calukur kawas lalaki

Beuki waluh beuki waluh

Akhir na melak di tongoh

Pantun Nyindir

Oleh: Ina Nuriah Asamaul Pauzi VIII – A

Lain cai lain walungan

Tapi kitri nu ngajajar

Lain ki’ai lain ajengan

Tapi santri nu di ajar 

Mawa kitab di kekelek

Ngocek aci gegerohan

Ulah tolab dinu poek

Te kaci  da bobogohan

Pepeling

Oleh: Erniawati VIII-A

Lamun boga pangkat luhur

Entong sok poho kadulur

Jeng baraya kudu akur

Boga rizki delek ngaur 

                                Ulah rasa maneh nyingkur

                                Ku setan gampang ka gusur

                                Hirup sing bisa diatur

                                Sing eling bakal dikubur

Amarah ulah diabur

Sarakah kudu dilebur

Pantun Deudeuh

Oleh: Eli Sumyati VIII A

Gatot kaca putra na bima

Jaka tawang ngaran lanceukna

Anu maca saha namina

Kasawang endah rupina

                                Jauh-jauh nyiar awi

                                Nyiar-nyiar pimerangen

                                Jauh-jauh nyusul abdi

                                Nyiar-nyiar pimelangen

Pantun Bogoh

Oleh : Nurul Azizah Nasution - VIII A

Mun hayang nonggoh mah jadi                    

Sih hapunten nanjak hela

Mun akang bogoh ka abdi

Cing janten sarjana hela 

                                Daun cangkang papisahna

                                Masing Jauh rek di ala

                                Mun akang atos sarjana

                                Masing kersa damel hela

Pitutur

NN, ditulis ulang oleh: Wina Sapitri VIII A

Nyanggakeun ieu pitutur
Lain indung loba catur
Kanya'ah mah teu kaukur
Sanajan ngan ukur saur
Malah urang kudu sukur
Sabar tawekal tapakur
Pan hirup aya nu ngatur
Gusti nu maha luhur

Pantun Sunda

oleh:Risna Herdiani

Manuk entep dina pager
na sukuna aya bola
mun hayang jadi pinter
kudu getol sakola

melak jaer dina kesik
dituruban daun kalapa
ulah beuger ti leuleutik
ngahesekeun indung bapa